MST fyrir börn í fíkniefnavanda !
Fjölkerfameðferð (MST) fyrir börn sem eiga við alvarlegan hegðunar- og/eða fíkniefnavanda að etja hefur verið í boði á vegum Barnaverndarstofu frá nóvember 2008. Um 250 fjölskyldur hafa lokið MST og um 300 hafa byrjað í slíkri meðferð.
Fjölkerfameðferð (MST) fyrir börn sem eiga við alvarlegan hegðunar- og/eða fíkniefnavanda að etja hefur verið í boði á vegum Barnaverndarstofu frá nóvember 2008. Um 250 fjölskyldur hafa lokið MST og um 300 hafa byrjað í slíkri meðferð. MST tekur að meðaltali fjóran og hálfan mánuð og er haft samband við foreldra til að kanna stöðuna sex, tólf og átján mánuðum eftir að meðferð lýkur. Jákvæður árangur hefur viðhaldist 18 mánuðum eftir að meðferð er lokið í 70 til 80% tilvika. Eftirspurn eftir MST hefur farið vaxandi en á árinu 2013 bárust alls 82 umsóknir um MST, sem er fjölgun frá árinu á undan, en þá bárust 77 umsóknir.
Í Morgunblaðinu þann 21. febrúar sl. er að finna viðtal við Funa Sigurðsson og Ingibjörgu Markúsdóttur teymisstjóra MST og Halldór Hauksson sviðsstjóra á Barnaverndarstofu þar sem þau lýsa í hverju meðferðin felst og benda á mikilvægi þess að veita meðferð á heimavelli.
Hér er hægt að skoða blaðagreinina
Þá er sama dag að finna á mbl.is viðtal við móður drengs sem þakkar MST árangur sonar síns
Hér er hægt að skoða viðtalið
Þann 22. febrúar birtist í sama fjölmiðli viðtal við stúlku sem einnig náði tökum á neysluvanda með aðstoð MST
Hér má skoða viðtalið
