Úthlutun úr þróunarsjóði innflytjendamála

15 apr. 2019

Samtök kvenna af erlendum uppruna í samvinnu við Barnaverndarstofu fengu úthlutað úr sjóðnum til að vinna að þróunarverkefni sem ber yfirskriftina: Tryggjum jöfn tækifæri með samstarfi

Gildi og markmið verkefnisins eru eftirfarandi:

Gildi verkefnisins eru byggð á grunngildum sem koma fram í framkvæmdaáætlun í málefnum innflytjenda 2016-2019: Þau miða að því að tryggja jöfn tækifæri allra landsmanna, óháð einstaklingsbundnum þáttum og aðstæðum. Í því skyni verði lögð áhersla á fimm stoðir:

a. Samfélagið. Íslenskt samfélag verði fjölskylduvænt þar sem allir þjóðfélagsþegnar búi við jöfn tækifæri og öryggi og njóti lögvarinna réttinda. Stuðlað verði að samheldni heildarinnar með jöfnu aðgengi allra að þátttöku í samfélaginu og þekkingu á réttindum og skyldum gagnvart því

b. Fjölskyldan. Íslenskt samfélag taki mið af þörfum ólíkra fjölskyldugerða. Samfélagið skapi góð skilyrði fyrir allar fjölskyldur, ekki síst barnafjölskyldur, óháð þjóðerni og uppruna, sambærileg við það sem best þekkist og styðji þær til þeirra verkefna sem þær standa frammi fyrir

Markmiðin eru eftirfarandi:

a. Að brúa bil milli viðhorfa og skilnings um barnavernd af hálfu innflytjenda og viðhorf og skilning um innflytjendum af hálfu starfsmanna sem fara með framkvæmd barnaverndar á Íslandi

b. Að fræða foreldra af erlendum uppruna um löggjöf, verkferla, reglur, uppeldisaðferðir, menningu og réttindi þeirra og skyldur

c. Að fræða foreldra af erlendum uppruna um réttindi barna á Íslandi (Barnasáttmála Sameinuðu þjóðanna)

d. Að elfa samstarf milli Samtaka kvenna af erlendum uppruna og Barnaverndarstofu

e. Að efla þekkingu samtakanna KAEU um starfsaðferðir barnaverndar og tilkynningaskyldu í barnavernd á Íslandi


Hér má sjá frétt á heimasíðu stjórnarráðs Íslands


Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica