Eftirlitsskýrsla Lanzarote nefndarinnar komin út

7 des. 2015

Lanzarote nefndin hefur nú samþykkt fyrstu eftirlitsskýrslu sína um framkvæmd Lanzarote samningsins og var hún birt fyrr í dag á heimasíðu Evrópuráðsins.

Lanzarote nefndin hefur nú samþykkt fyrstu eftirlitsskýrslu sína um framkvæmd Lanzarote samningsins og var hún birt fyrr í dag á heimasíðu Evrópuráðsins. Nefndin kaus að viðhafa svonefnda "stef aðferð" (thematic monitoring) við eftirlitið í stað þess að beina sjónum sínum að einstökum ríkjum svo sem barnaréttarnefnd S.þ gerir vegna eftirlits með framkvæmd Barnasamningsins. Stefið í þessari fyrstu skýrslu nefndarinnar var "sexual abuse in the circle of trust", og er þá litið til kynferðisbrota sem börn sæta af hálfu þeirra sem eru í trúnaðar-, áhrifa- eða ábyrgðarstöðu gagnvart þeim börnum sem brotið er á. Á þetta m.a. við kynferðisbrot innan fjölskyldu eða af hálfu annarra nákominna barninu, þ.m.t. frændfólks, kennara eða nágranna.

Viðfangsefnið var m.a. valið með hliðsjón af því að Lanzarote samningurinn er eini alþjóðasamningurinn sem tekur til slíkra kynferðisbrota. Þessu til viðbótar má nefna að ofangreind brot eru þau algengustu og því til áréttingar er vísað í skýrslunni til tölfræðilegra gagna frá Íslandi þar sem kemur fram að yfirleitt er svo ástatt í þrem af hverjum fjórum tilvikum þegar kynferðisbrot gegn börnum eiga í hlut.

Skýrsla nefndarinnar að þessu sinni beinist sérstaklega að fjórum þáttum: saknæmi brota, söfnun tölfræðilegra upplýsinga, vernd barna í við málsmeðferð réttarvörslukerfisins og ábyrgð lögaðila.

Skýrsluna í heild sinni má lesa hér.


Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica