Barnahús í Vilnius vorið 2016

2 okt. 2015

Á blaðamannafundi sem velferðarráðherra Litháen hélt ásamt forstjóra Barnaverndarstofu fyrr í vikunni tilkynnti ráðherrann að Barnahús tæki til starfa í apríl á næsta ári.

Blaðamannafundurinn var haldinn í upphafi námskeiðs um kynferðisofbeldi til undirbúnings starfseminni þar sem Bragi Guðbrandsson og Ólöf Ásta Farestveit veittu fræðslu til 170 barnaverndarstarfsmanna, lögreglu, saksóknara, lækna og sálfræðinga hvaðanæva af landinu. Áætlað er að seinni þjálfunin, sem einkum er ætluð starfsfólki hússins, fari fram í janúar. Sérfræðingar frá Litháen hafa þegar komið í eina námsferð til Íslands og er önnur áætluð í næsta mánuði.

Forsaga málsins er sú að árið 2013 barst Barnaverndarstofu erindi frá velferðarráðherra Litháen þar sem þess var farið á leit að Barnaverndarstofa veitti liðsinni til þess að koma á fót Barnahúsi að íslenskri fyrirmynd í Vilnius. Í framhaldi fór forstjóri stofunnar í tvígang til Litháen á síðasta ári til undirbúnings verkefnisins en félagsmálasjóður ESS veitir verulegum fjármunum til stuðnings verkefnisins. Nú er hefur verið ákveðið að stefna á opnun hússins hinn 1. apríl 2016. Málið hefur vakið mikla athygli í Litháen og fengið talsverða fjölmiðlaumfjöllun svo sem sjá má á eftirfarandi vefslóðum en athygli skal vakin á því að unnt er að notast við google þýðingarforritið til að lesa fréttirnar á ensku.

http://www.delfi.lt/news/daily/lithuania/tiesina-kelia-i-teisinguma-neitiketina-kokias-kancias-patiria-prievartauti-vaikai.d?id=69133850

http://www.socmin.lt/lt/naujienos/pranesimai-spaudai/ministre-a.-pabedinskiene-53ub.html

http://www.alfa.lt/straipsnis/49916205/seksualini-smurta-patyre-vaikai-nebekeliaus-po-instituciju-kabinetus?p=2 

http://www.15min.lt/naujiena/aktualu/lietuva/nuo-seksualines-prievartos-nukentejusiems-vaikams-steigiamas-centras-56-530763



Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica