Bragi Guðbrandsson forstjóri Barnaverndarstofu kjörinn formaður Lanzarote – nefndar Evrópuráðsins.

Meginhlutverk nefndarinnar er að hafa eftirlit með framkvæmd samnings Evrópuráðsins um vernd barna gegn kynferðislegri misneytingu og kynferðislegu ofbeldi

10 apr. 2014

Bragi Guðbrandsson forstjóri Barnaverndarstofu var í dag einróma kjörinn formaður Lanzarote – nefndar Evrópuráðsins.  Meginhlutverk nefndarinnar er að hafa eftirlit með framkvæmd samnings Evrópuráðsins um vernd barna gegn kynferðislegri misneytingu og kynferðislegu ofbeldi en samningurinn er jafnan kenndur við spænsku borgina Lanzarote þar sem hann var opnaður til undirritunar. Auk eftirlits með samningnum skal nefndin eiga frumkvæði að eflingu vitundar og miðlun bestu þekkingar á þessu sviði á meðal aðildarríkjanna. Alls hafa 30 aðildarríkja ráðsins fullgilt samninginn en hann tók gildi á Íslandi í byrjun árs 2013 en öll ríki ráðsins utan eitt hefur undirritað samninginn, 46 að tölu. Frekari upplýsingar um samninginn má finna á heimasíðu Evrópuráðsins. 

Lanzarote samningurinn er eini alþjóðasamningurinn sem tekur til hvers kyns kynferðisbrota gegn börnum. Hann þykir afar víðtækur og tekur til forvarna, viðbragða barnaverndar- og réttarvörslukerfis,  meðferðar og stuðnings fyrir þolendur, refsiréttarlegra atriða og samstarfs þjóða á millum.

Bragi hefur um árabil sinnt ýmsum sérfræðistörfum á vettvangi Evrópuráðsins. Hann er einn höfunda Lanzarote samningsins sem og margra tilmæla og leiðbeinandi reglna sem samþykktar hafa verið í málefnum barna á undanförnum áratug. Má þar nefna tilmæli um réttindi barna á stofnunum (2005); tilmæli um jákvæða foreldrafærni (2006), leiðbeinandi reglur um barnvinsamlegt réttarkerfi (2010) og um barnvænlega félagsþjónustu (2011).


Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica