112-dagurinn er að venju haldinn í dag 11. febrúar.

Að þessu sinni er sjónum beint að öryggi í vetrarferðum í víðu samhengi. Sjónum almennings er beint að mörgum þáttum sem snerta málefnið.

11 feb. 2014

Að þessu sinni er sjónum beint að öryggi í vetrarferðum í víðu samhengi, í þéttbýli, á vegum og utan alfaraleiða. Sjónum almennings er beint að mörgum þáttum sem snerta málefnið, svo sem undirbúningi ferða, búnaði, staðsetningu og viðbrögðum við slysum og óhöppum. Meðal annars verða kynntar víðtækar aðgerðir Vegagerðarinnar og viðbragðsaðila til að stemma stigu við að fólk leggi í tvísýn ferðalög þrátt fyrir ófærð og viðvaranir.

Samstarfsaðilar dagsins hafa undirbúið ýmsar aðgerðir til þess að vekja athygli á deginum og efni hans:

·         112-blaðið fylgir Fréttablaðinu 11. febrúar. Þar er að finna ítarlegar leiðbeiningar og góð ráð um hvernig auka má öryggi í ferðum að vetri til.

·         Fjallað er um málið á vefsíðum og samfélagsmiðlum.

·         Fræðsla um slysavarnir og skyndihjálp fer fram í skólum.

·         Móttaka verður í Björgunarmiðstöðinni Skógarhlíð í tilefni dagsins.

112-dagurinn er haldinn um allt land 11. febrúar. Hann er einnig haldinn víða um Evrópu en 112 er samræmt neyðarnúmer í Evrópu. Markmið dagsins er að kynna neyðarnúmerið og þá margvíslegu aðstoð sem almenningur hefur aðgang að í gegnum það.

Í ljósi þess að 112 er neyðarnúmer barnaverndarnefnda landsins er kærkomið tækifæri til að vekja athygli á tilkynningaskyldunni og upplýsa almenning um það hvert er hægt að leita þegar velferð barns er í húfi. Hér má sjá grein félagsmálastjóra Fljótsdalshéraðs fyrir Austurgluggann þar sem farið er yfir tilkynningaskylduna og hvernig staðið er að vinnslu mála í Fljótsdalshéraði.

Við sérstaka dagskrá í Björgunarmiðstöðinni Skógarhlíð 11. febrúar kl. 16 verða veitt verðlaun í Eldvarnagetrauninni 2013 og neyðarverði ársins verður veitt viðurkenning. Hanna Birna Kristjánsdóttir innanríkisráðherra flytur ávarp við athöfnina.

112-dagurinn er samstarfsverkefni stofnana og félagasamtaka sem annast margvíslega neyðarþjónustu, almannavarnir og barnavernd í landinu. Þau eru: 112, Barnaverndarstofa, Embætti landlæknis, Heilsugæsla höfuðborgarsvæðisins, Landhelgisgæslan, Landspítalinn, Landssamband slökkviliðs- og sjúkraflutningamanna, Mannvirkjastofnun, Rauði krossinn, Ríkislögreglustjórinn, Slysavarnafélagið Landsbjörg, Slökkvilið höfuðborgarsvæðisins, Vegagerðin og samstarfsaðilar um allt land.

 


Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica