Hagsmunir barnsins hafðir að leiðarljósi

4 júl. 2013

tobbaHvernig eigum við að bregðast við ef okkur grunar að börn búi við vanrækslu eða ofbeldi? Þær Ólöf Ásta Farestveit, uppeldis- og afbrotafræðingur og Þorbjörg Sveinsdóttir, MSc í sálfræði, leitast við að svara þessari spurningu í nýendurútgefinni bók sinni, Verndum þau. Í Morgunblaðinu þann 4. júlí er viðtal við Þorbjörgu.

Það var leitað til okkar Ólafar Ástu Farestveit frá menntamálráðuneytinu og Æskulýðsráði ríkisins og við beðnar um að skrifa þessa bók þar sem við höfum báðar starfað í Barnahúsi frá árinu 2001. Við höfum þar af leiðandi mikla reynslu af ofbeldismálum sem snúa að börnum og unglingum," segir Þorbjörg Sveinsdóttir, annar höfundur bókarinnar Verndum þau. Bókin var fyrst gefin út árið 2006 en hefur nú nýlega verið endurútgefin og segir Þorbjörg það hafa verið nauðsynlegt því í þessum málaflokki sé svo margt sem breytist á skömmum tíma. Þó að reynsla Þorbjargar og Ólafar byggist að mestu leyti á kynferðisbrotamálum gagnvart börnum og unglingum var ákveðið að taka á öllu ofbeldi og vanrækslu gagnvart börnum í bókinni. „Markmiðið var að gefa út fræðsluefni sem myndi gagnast öllum þeim sem starfa með börnum og unglingum í rauninni á hvaða vettvangi sem er. Ef maður er að vinna með börnum þá skuldbindur maður sig til að fylgjast með aðbúnaði þeirra og líðan," segir Þorbjörg.

Hér er hægt að skoða greinina í heild sinni.


Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica