Vinnustofa um stuðning við seinfæra foreldra
Barnaverndarstofa stendur fyrir vinnustofu með dr. Maurice Feldman prófessor í sálfræði, dagana 24 og 28 maí nk. í fundarsal Barnaverndarstofu að Borgartúni 21 í samstarfi við rannsóknarsetur í fötlunarfræðum. Vinnustofunni er ætlað að þjálfa þátttakendur í að nota efni og gátlista sem dr. Feldman hefur þróað.
Vinnustofan er eftirfylgd við námskeið sem haldið var dagana 30-31 maí 2012 í samstarfi við rannsóknarsetur í fötlunarfræðum og fagdeild félagsráðgjafa í barnavernd. Leiðbeinandi námskeiðsins var dr. Feldman prófessor í sálfræði en hann hefur þróað stuðningsaðferðir, gátlista og styrkleikamiðaðar matsaðferðir fyrir fagfólk á þessu sviði. Hann er leiðandi fræðimaður á alþjóðavettvangi, sjá nánar hér. Hanna Björg Sigurjónsdóttir lektor við fötlunarfræði í Háskóla Íslands skipulagði námskeiðið og leiðbeindi ásamt dr. Feldman.
Vinnustofan byggir á því efni sem kynnt var á námskeiðinu dagana 30-31 maí í fyrra og er því ætluð þeim sem sóttu námskeiðið. Skráning er fyrir 15. maí nk. á netfangið bvs@bvs.is
