Að lesa í merki barnsins

Námskeið fyrir fagfólk þar sem kennd verður aðferð til að hjálpa foreldrum að lesa í merki barns frá 0-3ja mánaða.

21 feb. 2013

Miðstöð foreldra og barna standa fyrir námskeiði dagana 4. og 5. apríl nk. frá kl. 9-16 sem ætlað er öllum þeim sem starfa með foreldrum og ungbörnum yngri en þriggja mánaða, þ.e. ljósmæðrum, hjúkrunarfræðingum, læknum, sálfræðingum, iðjuþjálfum, félagsráðgjöfum, starfsfólki barnaverndarnefnda og öðrum meðferðaraðilum. Námskeiðið er það fyrsta sinnar tegundar hér á landi en um er að ræða námskeið frá Brazelton Institute í Boston. Kennd verður aðferð til að hjálpa foreldrum að lesa í merki barns frá 0-3ja mánaða. Leiðbeinendur  verða Dr. Lise C. Johnson og Dr. Joanna Hawthorne.
 
Markmiðið er að þjálfa fagfólk í að lesa í atferli og merkjamál nýfæddra barna og efla sömu hæfni hjá nýorðnum foreldrum. Með því eru foreldrar styrktir í að bregðast við þörfum barna sinna á næman og þroskavænlegan hátt. Rannsóknir sýna að þessi samskiptaleið sem er framkvæmd með foreldrum sé til þess fallin að draga úr þunglyndi eftir fæðingu og stuðla að jákvæðum samskiptum foreldra og ungbarns.

Eftir námskeiðið eru þátttakendur hvattir til að reyna þessa leið hjá fimm fjölskyldum í eigin starfsumhverfi. Handleiðsla og stuðningur er veittur á meðan á þeirri vinnu stendur.

Miðstöð foreldra og barna hefur hlotið styrk frá Velferðasjóði barna til að halda námskeiðið en námskeiðsgjald er 45.000 kr. (námskeiðið uppfyllir skilyrði stéttarfélaga varðandi styrki fyrir félagsmenn). Innifalið í námskeiðsgjaldi er bókin Understanding Newborn Behavior& Early Relationships (2007) The Newborn Behavioral Observations (NBO) System Handbook  eftir J. Kevin Nugent, Constance H. Keefer, Susan Minear og Lise C. Johnson.  Nánari upplýsingar er að finna hér.


Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica