Upptaka af ráðstefnu um samstarf skóla og barnaverndar
Vakin er athygli á því að hér á heimasíðu BVS er nú að finna upptöku af ráðstefnu sem haldin var í maí sl. um mikilvægi samstarfs skóla og barnaverndar. Að ráðstefnunni stóð Barnaverndarstofa í samstarfi við Skólastjórafélag Íslands, Samband íslenskra sveitarfélaga, Samtök félagsmálastjóra, Skóla- og frístundasvið Reykjavíkur og Barnavernd Reykjavíkur en mennta- og menningarmálaráðuneytið veitti styrk til tryggja útsendinguna.
Má geta þess að ein afurð rástefnunnar er að hafin er vinna við gerð verklags sem ætlað er að efla samstarf barnaverndar og skóla varðandi undirbúning skólagöngu fósturbarna og eftirfylgd. Verklagið byggir á Reglugerð um skólagöngu fósturbarna í grunnskólum frá 5. júní 2012.
Skólaganga fósturbarna hefur lítið verið rannsökuð hér á landi en niðurstöður nýlegrar meistaraprófsritgerðar í félagsráðgjöf benda til þess „... að bæta þurfi enn frekar framkvæmd, verklag og upplýsingamiðlun milli grunnskóla og barnaverndar þegar kemur að fósturráðstöfunum“ (http://skemman.is/handle/1946/13566). Ritgerðin er hluti af stærri rannsókn á vegum Rannsóknastofnunar í barna- og fjölskylduvernd (RBF).
Hér er að finna nánari upplýsingar um ráðstefnuna ásamt dagskrá, fyrirlestrum og upptöku.
