Oftar tilkynnt um heimilisofbeldi
Tilkynningum um meinta vanrækslu til Barnaverndar Eyjafjarðar fjölgaði um 33% fyrstu 10 mánuði ársins.
115 tilkynningar höfðu borist um síðustu mánaðamót á Eyjafjarðarsvæðinu en allt árið í fyrra bárust 104 tilkynningar, að því er fram kemur í Akureyri vikublaði.
Áskell Örn Kárason sálfræðingur og formaður Barnaverndar Eyjafjarðar segir að tilkynningum um ofbeldi hafi einnig fjölgað umtalsvert. Þær eru 99 fyrstu 10 mánuðina í ár en alls voru 73 slík tilfelli allt árið í fyrra. Það jafngildir 63% aukningu milli ára.
„Núna er mun oftar tilkynnt um heimilisofbeldi en áður, þ.e. ofbeldi eða átök milli para þar sem börn eru á heimilinu,“ segir Áskell Örn. Þeim tilkynningum hefur þó fjölgað hlutfallslega mest þar sem fram koma upplýsingar um áfengisvanda foreldra eða vímuefnavanda þeirra. Um ræðir 44 tilvik fyrstu 10 mánuði 2012 en þau voru 26 allt árið í fyrra.
