Börn á Íslandi án löglegra forsjáraðila
Af gefnu tilefni telur Barnaverndarstofa nauðsynlegt að árétta að mál sem varða komu barna til Íslands í fylgd fullorðinna sem kveðjast foreldrar þeirra og framvísa fölsuðum skilríkjum þar að lútanandi eru afar fátíð. Í ljósi umfjöllunar sem fram hefur komið í fjölmiðlum undanfarna daga kannaði Barnaverndarstofa málið hjá Útlendingastofnun, Mannréttindaskrifstofu og barnaverndarnefndum. Barnaverndarstofu er kunnugt um tvö slík mál á undanförnum árum, annað er það sem hefur verið til umfjöllunar um þessar mundir og hitt málið kom upp fyrir nokkrum árum og dómstólar á Íslandi hafa fjallað um. Í þessum málum er ekki grunur um mansal.
Þess ber að geta að þegar barnaverndarnefndir fá tilkynningu um að börn séu hér á landi án forsjáraðila er málið kannað. Reynt er að hafa uppi á forsjáraðilum barna í heimalandi en á meðan sjá barnaverndarnefndir til þess að börn séu í öruggri umsjá. Hvert mál er einstakt sem kallar á mismunandi viðbrögð þó stuðst sé við ákveðið verklag í samræmi við barnaverndarlög nr. 80/2002
