Þjónusta Barnahúss – niðurstöður könnunar

3 feb. 2012

Barnaverndarstofa fól sálfræðingunum Önnu Kristínu Newton og Elínu Hjaltadóttur í samstarfi við Rannsóknastofnun í barna- og fjölskylduvernd, að kanna þjónustu Barnahúss á árunum 2007-2009. Niðurstöður könnunarinnar verða kynntar á málstofu á vegum Rannsóknastofnunarinnar í dag föstudaginn 3. febrúar kl. 15:00 í Háskólatorgi stofu 103. Málstofan er öllum opin sjá auglýsingu.

Athygli vekur að það er hærra hlutfall barna og ungmenna sem fara í skýrslutöku í dómstól sem fá meðferð í Barnahúsi (79%) en þeirra sem fara í skýrslutöku á vegum Barnahúss (47%). Spurt var um aðbúnað og umhverfi skýrslutökunnar og fékk Barnahús jákvæðari umsögn (69%) varðandi þessa þætti en dómstólar (23%). Athuganir á upplifun barna á skýrslutökum hafa leitt í ljós ákveðna þætti sem geta skipt sköpum varðandi það hvernig tekst til að vinna úr reynslu barns/ungmennis sem sætt hefur kynferðisofbeldi. Niðurstöður könnunarinnar benda til þess að Barnahús sé á réttri leið en dómstólar þurfa einkum að bæta aðstöðu sína ef ætlunin er að hlúa að velferð barna í kynferðisbrotamálum. Skýrsluna má nálgast hjá Barnaverndarstofu.


Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica