Tvær norrænar barnaverndarráðstefnur árið 2012

11 júl. 2011

Norrænu samtökin gegn illri meðferð á börnum (NFBO) standa fyrir ráðstefnu í Bergen dagana 14. til 16. maí 2012. Samtökin standa fyrir ráðstefnum annað hvert ár og eru þær samráðsvettvangur ólíkra faghópa sem koma að barnavernd í víðri merkingu þess orðs, félagsráðgjafar, sálfræðingar, barnalæknar o.s.frv. Formaður samtakanna er Gunnar Sandholt, félagsmálastjóri í Skagafirði. Samtökin eru aðili að ISPCAN (International Society for the Prevention of Child Abuse and Neglect, www.ispcan.org). Um er að ræða sjöundu ráðstefnuna á vegum samtakanna og er þema ráðstefnunar "Ofbeldi og vanræksla í fjölmenningarlegu sjónahorni: tækifæri og áskoranir." Nánari upplýsingar um ráðstefnuna má finna hér. Nú er komin ítarlegri auglýsing þar sem m.a. er kallað eftir rannsókna- og þróunarverkefnum til kynningar á ráðstefnunni. Frestur til að skila inn útdrætti að slíku rennur út 31. janúar 2012. Hér má nálgast síðari tilkynningu.

Síðari ráðstefnan verður haldin dagana 12. til 14. september 2012 í Stokkhólmi. Norræna barnaverndarráðstefnan (NBK) er samstarfsverkefni milli Norðurlandanna og eru ráðstefnurnar haldnar þriðja hvert ár. Barnaverndarstofa er aðili að þessu samstarfi og tekur þátt í undirbúningi ráðstefnunnar. Nánari upplýsingar er að finna hér.

Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica