Vímuvarnir VIKU 43
Dagana 24. til 29. október sl. minntu aðstandendur Viku 43 á nauðsyn samstöðu og samstarfs allra við að uppræta markaðssetningu vímuefna. VIKA 43 er vettvangur félagasamtaka sem vilja leggja forvörnum lið og/eða hafa forvarnir að markmiði starfs síns, til þess að vekja athygli á forvarnastarfi og áfengis- og vímuefnamálum. Boðið var til opnunarhátíðar í Þjóðleikhúsinu og gestum boðið að sjá frumsýningu á HVAÐ EF skemmtifræðslu í KASSANUM/Þjóðleikhúsinu.Markmið HVAÐ EF verkefnisins er að ná til allra nemenda í 9. og 10. bekk grunnskóla á landinu. Fyrirtæki og stofnanir kaupa sýningar og bjóða skólum að sækja þær en skólarnir sjá um að koma nemendum til og frá leikhúsi. Alls voru 84 sýningar á verkinu á árunum 2005-2007 fyrir 13000 unglinga og 2000 foreldra. Nú hafa verið sýndar níu sýningar á fimm dögum. Nánari upplýsinar um verkefnið er að finna á www.hvadef.com
Þá hélt VIKA 43 morgunverðarfund í samvinnu við Samstarfshópinn NÁUM ÁTTUM þar sem fjallað var um áhrif og skaðsemi kannabis. Fjallaði Brynhildur Jensdóttir ráðgjafi úr Foreldrahúsi um ranghugmyndir unglinga um kannabis, Rannveig Þórisdóttir deildarstjóri hjá lögreglunni fjallaði um þróun fíkniefnabrota á höfðuborgarsvæðinu er tengjast kannabisefnum. Að lokum fjallaði Andrés Magnússon, læknir á fíkniefnageðdeild LSH um afleiðingar kannabisneyslu.
