Meðganga - móðir - barn
Barnaverndarstofa vekur athygli á námskeiði á vegum Félags einstæðra foreldrafyrir ungar verðandi mæður "Meðganga, móðir, barn" en þetta er þriðja árið sem slíkur hópur er starfræktur.
Markhópurinn er ungar einhleypar konur á aldrinum 16-25 ára en aldurstakmarkið er þó sveigjanlegt í báðar áttir og er öllum ófrískum konum sem eru u.þ.b. á fyrsta þriðjungi meðgöngu velkomið að sækja um.
Námskeiðið er jafnframt nokkurs konar stuðningshópur og fer þar fram fræðsla um meðgöngu og umönnun ungbarna ásamt fræðslu um félagsleg réttindi og margt fleira. Tveir félagsráðgjafar stjórna verkefninu ásamt ljósmóður og er áhugasömum bent á að hafa samband við Oktavíu Guðmundsdóttur, félagsrágjafa FEF (oktavia@fef.is eða sími 696 6793), eða við skrifstofu félagsins (551-1822) til þess að panta viðtal og/eða fá nánari upplýsingar.
