Fræðsla fyrir verðandi og nýorðna foreldra

8 sep. 2010

Áhersla á eflingu foreldrahæfni með fjölbreyttri uppeldisfræðslu og þjálfun foreldra hefur eflst á Vesturlöndum undanfarin ár. Þá hefur vitneskju um áhrif uppeldisaðferða á geðheilsu og þroska barna með mismunandi þarfir og á ólíkum aldri fleygt fram. Með rannsóknum hefur verið lagður grunnur að þróun markvissra aðferða til að þróa og virkja hæfni foreldra á þessu sviði. Hér á landi hafa verið innleidd ýmiss námskeið sem hafa það markmið að efla foreldrahæfni. Má þar nefna ÓB-ráðgjöf sem hefur innleitt námskeið, hannað af hjónunum og sálfræðingunum John og Julie Gottman, fyrir verðandi og nýorðna foreldra „Barnið komið heim“. Sjá nánar á vefsíðu verkefnisins www.barnidkomidheim.net

Heilsugæslustöðvar halda reglubundið námskeið um undirbúning fæðingar en námskeiðin eru í höndum ljósmæðra. Hvert námskeið inniheldur þrjá fræðslufundi fyrir bæði verðandi móður og föður. Þá stendur Mæðravernd Þróunarstofu heilsugæslunnar (áður Miðstöð mæðraverndar), einnig fyrir námskeiðum fyrir verðandi tvíburaforeldra og fræðslu fyrir verðandi feður. Nánari upplýsingar er að finna á vefsíðu Heilsugæslunnar www.heilsugaelsan.is

Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica