Vel heppnaður starfsdagur með félagsmálastjórum

6 apr. 2010

Árviss starfsdagur Barnaverndarstofu með félagsmálastjórum og yfirmönnum barnaverndarstarfs á vegum barnaverndarnefnda var haldinn föstudaginn 19. mars sl. Fundurinn var haldinn að Kríunesi við Elliðavatn og tókst afar vel. Alls mættu 30 félagsmálastjórar og starfsmenn barnaverndarnefnda víðsvegar af landinu.

Forstjóri Barnaverndarstofu fór yfir stöðu barnaverndarmála en aldrei hefur verið jafn mikil aukning tilkynninga milli ára og varð millli áranna 2008 og 2009. Vísbendingar eru um þyngri mál sem koma til meðferðar hjá barnaverndarnefndum. Þá er aukinn eftirspurn eftir þjónustu Barnaverndarstofu en vöxturinn hefur verið mestur varðandi Götusmiðjuna og Stuðla. Farið var yfir meðferðarúrræði á vegum Barnaverndarstofu en annað MST teymi hóf störf nú í mars auk þess sem samið hefur verið við sálfræðinga um tvö ný úrræði, annars vegar þjónustu við unglinga sem sýna af sér óæskilega kynferðishegðun og hins vegar þjónustu fyrir börn sem búa við heimilisofbeldi. Gerður hefur verið samningur um rekstur vistheimilis fyrir unglinga sem ekki eiga afturkvæmt á heimili sitt að lokinni meðferð. Þá tekur til starfa nýtt meðferðarheimili að Geldingarlæk um mitt ár. Rætt var um tímabundið fóstur og farið yfir dæmi um samstarf kerfa við beitingu úrræðsins styrkt fóstur.

Skráning og skil á tölulegum upplýsingum barnaverndarnefnda til Barnaverndarstofu voru til umræðu og vakin athygli á tölvukerfinu „Gróska“ sem er heildsætt kerfi um félagsþjónustu sveitarfélaga og til þess fallið að bæta skráningu og skil á tölulegum upplýsingum.

Rætt var um tækifæri og áskoranir í barnaverndarstarfi í höfuðborginni sem fer með um helming allra barnaverndarmála á landinu og á landsbyggðinni þar sem nálægð við íbúa er mikil og landfræðileg fjarlægð kallar á nýjar lausnir.

Fjallað var álit umboðsmanns Alþingis hvað varðar aðild forsjárlausra foreldra í barnaverndarmálum og heimildir barnaverndarnefnda til að fela starfsmönnum verkefni og vald til að taka ákvarðanir í barnaverndarmálum.

Að endingu voru kynntar verklagsreglur um meðferð tilkynninga er varða líkamlegt ofbeldi gagnvart börnum en reglurnar voru unnar af vinnuhópi sem skipaður var á starfsdegi barnaverndarstarfsmanna í október 2009.

Dagskrá fundarins má sjá hér.

Nýjustu fréttir

Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

02. feb. 2024 : Framhaldsnámskeið ætlað tengiliðum farsældar

Nú hefur verið opnað fyrir framhaldsnámskeið sem ætlað er tengiliðum farsældar.

Lesa meira

Þetta vefsvæði byggir á Eplica