Fræðslurit um ofbeldi í nánum samböndum
Félags- og tryggingamálaráðuneytið hefur gefið út fræðslurit um ofbeldi í nánum samböndum. Er það í samræmi við aðgerðaáætlun ríkisstjórnarinnar frá september 2006 um ofbeldi gegn konum.Fjallar ritið um ýmsar staðreyndir varðandi ofbeldi gegn konum í nánum samböndum, rannsóknir sem gerðar hafa verið, birtingarmyndir ofbeldisins og afleiðingar þess. Sérstakur kafli er um börn sem þolendur. Ritið er einkum ætlað til kennslu. Þá eru einnig gefin út fjögur rit með sama efni en til viðbótar kafli með það að markmiði að nýtast tilteknum stéttum í starfi, þ.e. efni fyrir starfsfólk félagsþjónustu, heilbrigðisstéttir, ljósmæður og lögreglu.
Ritin fimm má nálgast á heimasíðu ráðuneytisins www.felagsmalaraduneyti.is
