Nýr vefur um geðheilsu barna: Umhuga.is

7 okt. 2008

Í dag var opnaður nýr vefur umhuga.is þar sem hægt er að nálgast á einum stað upplýsingar um helstu þætti í uppeldi og aðstæðum barna og unglinga sem hafa áhrif á geðheilsu þeirra á uppvaxtarárunum og þá um leið seinna í lífinu. Þar er einnig hægt að finna upplýsingar um þunglyndi og kvíða og upplýsingar um hvert hægt er að leita til að fá aðstoð.

Upplýsingarnar eru ætlaðar foreldrum og öðrum uppalendum, fagfólki sem vinnur með börnum og unglingum á einn eða annan hátt og ekki síst börnum og unglingum sem vilja fræðast um þessi mál.

Umhuga.is er forvarnarverkefni á vegum Landlæknisembættisins undir stjórn verkefnisins Þjóðar gegn þunglyndi og samstarfsaðila þess. Þjóð gegn þunglyndi hefur frá stofnun beint spjótum sínum að þunglyndi og sjálfsvígum fullorðinna, m.a. í samstarfi við European Alliance Against Depression. Með opnum þessa vefs er nú forvarnaraðgerðum beint að aðstæðum barna og unglinga.

Samstarfsaðilar eru: Barnaverndarstofa, Barna- og unglingageðdeild Landspítala (BUGL), Barnavernd Reykjavíkur, Lýðheilsustöð/áfengis og vímuvarnir, Miðstöð heilsuverndar barna og Stuðlar.

Samstarfsaðilarnir ákváðu að vinna saman að gerð fræðslu- og upplýsingavefs um geðheilsu barna og unglinga. Samvinna allra þessara stofnana er mikilvæg til að hlúa sem best að þörfum barna sem glíma við geðrænan vanda, styrkja fjölskyldur þeirra og koma til móts við þarfir þeirra þegar slíkan vanda ber að höndum.


Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica