Gildismat og velferð barna í neyslusamfélagi nútímans:
Ábyrgð foreldra og fjölskyldulíf – Hugvekja um stöðu barna í upphafi nýs árs –Siðfræðistofnun stendur fyrir málþingi föstudaginn 4. janúar n.k. um ábyrgð foreldra og fjölskyldulíf. Málþingið hefst kl. 15:00 og verður haldið í Norræna húsinu. Á málþinginu verða haldin þrjú erindi: Vilhjálmur Árnason, prófessor HÍ heldur erindi sem nefnist Uppeldi til frelsis í neyslusamfélagi, Baldur Kristjánsson, dósent KHÍ nefnir erindi sitt Hvernig fer fjölskyldulíf og foreldraábyrgð saman í nútímasamfélagi? og Bragi Guðbrandsson, forstjóri Barnaverndarstofu fjallar um Foreldraábyrgð og barnasáttmáli S.Þ. Að erindum loknum verða stuttar pallborðsumræður og þar taka þátt þau Margrét María Sigurðardóttir, umboðsmaður barna, Sigrún Aðalbjarnardóttir, prófessor við HÍ og séra Sigurður Pálsson, fyrrv. sóknarprestur. Boðið er uppá kaffiveitingar í anddyri Norræna hússins að málþingi loknu. Fundarstjóri er Salvör Nordal, forstöðumaður Siðfræðistofnunar HÍ
Málþingið er hluti af verkefni Gildismat og velferð barna í neyslusamfélagi nútímans sem styrkt var af Kristnihátíðarsjóði. Málþingið er öllum opið.
Siðfræðistofnun
KRISTNIHÁTÍÐARSJÓÐUR
