Breytingar á starfsmannahaldi Barnaverndarstofu
Ýmsar breytingar hafa orðið á starfsmannahaldi Barnaverndarstofu. Freydís J. Freysteinsdóttir hefur látið af störfum og hefur Steinunn Bergmann félagsráðgjafi verið ráðin í hennar stað. Auk þess hefur Halla Björk Marteinsdóttir félagsfræðingur verið ráðin í starf Bryndísar S. Guðmundsdóttir sem nú mun sinna öðrum verkefnum innan stofunnar.Í Barnahúsi hafa einnig orðið talsverðar mannabreytingar. Vigdís Erlendsdóttir hefur látið af störfum sem forstöðumaður og hefur Ólöf Ásta Farestveit uppeldis- og afbrotafræðingur tekið við starfi forstöðumanns. Ólöf hefur unnið um árabil í Barnahúsi. Auk þess hafa tveir sérhæfðir rannsakendur verið ráðnir í Barnahús, þær Þóra Sigfríður Einarsdóttir sálfræðingur og Þorbjörg Sveinsdóttir B.A. í sálfræði.
Einnig hafa orðið breytingar á langtímameðferðarheimilum Barnaverndarstofu. Á Hvítárbakka hafa hjónin Jónas H. Jónasson og Sigríður M. Hermannsdóttir tekið við af Sigurði Ragnarssyni og Ingu Stefánsdóttur. Auk þess hefur Ingjaldur Arnþórsson látið af störfum sem rekstraraðili Laugalands og í hans stað hefur verið ráðinn Pétur Broddason.
