Yfirlit yfir stöðu barnaverndarmála í maí 2007

3 okt. 2007

Barnaverndarstofu bárust 10 umsóknir um meðferð í maí en þær voru 6 í apríl. Umsóknum hefur því fjölgað um tæp 67% milli mánaða.

Barnaverndarstofu bárust einnig 11 umsóknir um fósturheimili fyrir barn í maí en þær voru 8 í apríl. Umsóknum hefur því fjölgað um 38% milli mánaða. Auk þess bárust níu umsóknir fólks sem vildi gerast fósturforeldrar.

Alls fóru fram 13 rannsóknarviðtöl í Barnahúsi í maí en þau voru 8 í apríl. Rannsóknarviðtölum hefur því fjölgað um 63% milli mánaða. Greiningar- og meðferðarviðtöl voru 5 en þau voru 4 í apríl. Greiningarviðtölum hefur því fjölgað lítillega milli mánaða.

Í maí bárust barnaverndarnefndum landsins 795 tilkynningar en þær voru 659 í apríl. Tilkynningum hefur því fjölgað um 21% milli mánaða. Alls var tilkynnt um 633 börn en þau voru 535 í apríl. Fjöldi barna sem tilkynnt var um hefur því fjölgað um 18% milli mánaða. Um 70% þeirra barna sem tilkynnt var um nú í maí býr á höfuðborgarsvæðinu. Alls var tekin ákvörðun um að hefja könnun í máli 273 barna eða í 43% tilvika.

Af þeim 63 tilkynningum sem bárust Neyðarlínunni 112 voru 54 tilkynningar flokkaðar sem barnaverndartilkynningar.

Flestar tilkynningar bárust frá lögreglu eða alls 50% allra tilkynninga. Um 10% tilkynninga bárust frá skólayfirvöldum en í aðeins tveimur tilfellum leitaði barnið sjálft til barnaverndarnefndar.

Alls bárust Áfallamiðstöð Landspítalans 3 tilkynningar í maí.

Hér má sjá skýrslu yfir stöðu mála í maí 2007

Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica