Yfirlit yfir stöðu mála í apríl 2007
Barnaverndarstofu bárust 6 umsóknir um meðferð í apríl en þær voru 13 í mars. Umsóknum hefur því fækkað um tæp 54% milli mánaða.Barnaverndarstofu bárust einnig 8 umsóknir um fóstur í apríl en þær voru 7 í mars. Umsóknum hefur því fjölgað um rúm 14% milli mánaða. Auk þess bárust sjö umsóknir fólks sem vildi gerast fósturforeldrar.
Alls fóru fram 8 rannsóknarviðtöl í Barnahúsi í apríl en þau voru 23 í mars. Rannsóknarviðtölum hefur því fækkað um 65% milli mánaða. Greiningar- og meðferðarviðtöl voru 4 en þau voru 9 í mars. Greiningarviðtölum hefur því fækkað um tæp 56% milli mánaða.
Í apríl bárust barnaverndarnefndum landsins 659 tilkynningar en þær voru 674 í mars. Tilkynningum hefur því fækkað um 2,2% milli mánaða. Alls var tilkynnt um 535 börn en þau voru 571 í mars. Fjöldi barna sem tilkynnt var um hefur því fækkað um rúm 6% milli mánaða. Um 68% þeirra barna sem tilkynnt var um nú í apríl búa á höfuðborgarsvæðinu. Alls var tekin ákvörðun um að hefja könnun í máli 214 barna eða í 40% tilvika.
Af þeim 73 tilkynningum sem bárust Neyðarlínunni 112 voru 43 tilkynningar flokkaðar sem barnaverndartilkynningar.
Flestar tilkynningar bárust frá lögreglu eða alls 58% allra tilkynninga. Um 8% tilkynninga bárust frá foreldrum en í aðeins fjórum tilfellum leitaði barnið sjálft til barnaverndarnefndar
Alls bárust Áfallamiðstöð Landspítalans 5 tilkynningar í apríl.
Hér má sjá skýrslu yfir stöðu mála í apríl 2007
