Áhugi á Barnahúsi breiðist út
Forstjóri Barnaverndarstofu hélt fyrirlestur á ráðstefnu félagasamtakanna “Strohhelm” og World Childhood Foundation í Berlin í síðustu viku um grundvallarhugmyndir í starfsemi barnahúsa. Ráðstefnuna setti Silvia drottning Svíþjóðar auk þess forseti þýska þingsins ávarpaði ráðstefnuna við það tilefni. Í tengslum við ráðstefnuna var efnt til fundar í því skyni að meta möguleika á starfsemi barnahúss í Berlin en fyrir liggur vilyrði World Childhood Foundation um verulegt fjárframlag til að ýta starfseminni úr vör.Á næstunni mun forstjóri Barnaverndarstofu flytja hliðstæð erindi á ráðstefnu pólsku samtakanna “Nobodys Children” í Varsjá dagana 27. - 28. október og á ráðstefnu eistneska félagsmálaráðuneytisins um kynferðisofbeldi á börnum sem haldin verður í Tallin þann 30.október. Ekkert lát virðist því vera á áhuga annarra þjóða á þeim aðferðum sem viðhafðar eru í Barnahúsi við vinnslu meintra kynferðisbrota gegn börnum.
