Rannsóknarsetur í barna- og fjölskylduvernd
Barnaverndarstofa undirritaði í morgun samstarfssamning við félagsráðgjafaskor Háskóla Íslands um rannsóknarsetur í barna- og fjölskylduvernd. Setrið verður staðsett við Félagsvísindastofnun HÍ, en aðrir sem koma að samstarfinu og skrifuðu undir samstarfssamninginn eru; heilbrigðis- og tryggingarmálaráðuneytið, félagsmálaráðuneytið, velferðarsvið Reykjavíkurborgar, þjóðkirkjan, Reykjanesbær og Efling-stéttarfélag.Markmið rannsóknarsetursins er að efla fjölskyldu- og barnavernd á grundvelli vísindalegra rannsókna og vera víðtækur vettvangur rannsókna á sviði fjölskyldu- og barnaverndar. Með því að efla og auka rannsóknir á félags- og tilfinningalegum aðstæðum barna og fjölskyldna skapast grundvöllur fyrir því að öll stefnumörkun stjórnvalda og annarra í málefnum barna verði markvissari og þjóni hagsmunum þeirra betur. Barnaverndarstofa fagnar stofnunar rannsóknarsetursins og hlakkar til að taka þátt í samstarfinu.
