Fjöldi tilkynninga til barnaverndarnefnda í október 2005
Í október bárust barnaverndarnefndum landsins 629 tilkynningar varðandi 619 börn. 57% tilkynninganna (360) komu frá höfuðborgarsvæði en 43% frá landsbyggðinni (269). Af þessum 629 tilkynningum bárust 19 tilkynningar í gegnum neyðarlínuna 1-1-2.Ástæður tilkynninga skiptust þannig að 31,3% voru vegna vanrækslu, 14,5% vegna ofbeldis, 54,2% vegna áhættuhegðunar barna og 0% vegna þess að heilsu eða líf ófædds barns var í hættu.
Flestar tilkynningar komu frá lögreglu og voru 58% allra tilkynninga.
Tilkynningum fjölgaði umtalsvert frá því í september en þá voru þær 519.
Hér má sjá nánari sundurliðun á tilkynningum í október
