Sakfellingum í kynferðisbrotamálum hefur ekki fjölgað

2 nóv. 2005

Barnaverndarstofa hefur tekið saman upplýsingar um umfang og afdrif mála er varðar meint kynferðisbrot gegn börnum í barnaverndar- og réttarvörslukerfinu sl. áratug. Samantektin leiðir í ljós að þrátt fyrir því sem næst tvöföldun á málafjölda sem hefur sakfellingum ekki fjölgað. Upplýsingarnar byggja annars vegar á gögnum úr rannsókn á vegum stofunnar vegna áranna 1995 til 1997 og hins vegar á gögnum frá Barnahúsi, dómstólaráði og ríkissaksóknara fyrir árin 2002 til 2004.

Enda þótt meðfylgjandi tölur kunni ekki að vera fullkomlega samanburðarhæfar í einstökum atriðum vegna mismunandi aðferða við gagnaöflun, gefa þær engu að síður góða mynd af þeirri þróun sem verið hefur. Athyglisvert er að á þessum áratug hafa mál sem hljóta meðferð hjá barnaverndaryfirvöldum vegna gruns um kynferðisbrot gegn barni u.þ.b. tvöfaldast. Þrátt fyrir þetta hefur ekki átt sér stað nein fjölgun sakfellinga en fjöldi þeirra er nánast sá sami að meðaltali á tímabilinu. Það er mat Barnaverndarstofu að þessar upplýsingar kalli á endurmat á gildandi lagareglum um meðferð þessara mála, einkum m.t.t. þeirra breytinga á lögum um meðferð opinberra mála sem gildi tóku vorið 1999.

Barnaverndarstofa hefur nú þegar leitað eftir því við fulltrúa réttarvörslukerfisins og barnaverndarnefnda um að þeir sameiginlega yfirfari framkvæmd þessara mála.

Hér má sjá töflu yfir þróun þessara mála

Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica