Mismunandi sýn á barnavernd milli landa - ný norræn rannsókn um norrænt barnaverndarstarf

6 apr. 2005

Mismunandi sýn og viðhorf til vandamála og það í hve ríkum mæli barnaverndarstarfið er metið út frá vandamálum foreldranna eða þörfum barnsins leiðir til ólíkrar framkvæmdar í barnaverndarmálum í ólíkum löndum. Þetta eru m.a. niðurstöður sem finna má í ný útkomnni norrænni rannsókn um barnavernd. Rannsóknin nefnist "Beiting úrræða í barnaverndarmálum, mörkin milli stuðnings og þvingunar og ákvörðunarferlið" og kom nýlega út í Noregi, ritstýrð af Turid Vogt Grinde.

Í rannsókninni sem fram fór í Noregi, Danmörku og Íslandi er leitast við að skoða hvort hægt sé að sjá hvort þessi lönd bregðist við á ólíkan hátt í barnaverndarstarfi, þegar verið er að fást við samskonar vandamál. Í seinni hluta rannsóknarinnar var skoðað hver og hvernig ákvarðanir eru teknar í "þyngri" barnaverndarmálum þ.e. þegar vista þarf barn utan heimils. Þar kom m.a. fram að barnaverndarkerfin eru ólík og því er erfitt að bera sjálft ákvörðunarferlið saman. Sem dæmi um þetta má nefna að "þvingun" er skilgreind á mismunandi hátt, sem aftur leiðir til þess að ákvörðunartakan verður ólík. Þá kom einnig í ljós að afar mismunandi er hversu skýrt barnið sjálft sést í ferlinu og hve mikil áhersla er lögð á að rödd þess heyrist.

Norræna ráðherranefndin veitti styrk til rannsóknarinnar sem var stjórnað af Turid Vogt Grinde, sálfræðingi og rannsakanda hjá Norsk institutt for forskning om oppvekst, velferd og aldring (NOVA). Aðrir sem unnu að rannsókninni voru Vigdis Bunkholt, sálfræðingur, Noregi, Tine Egelund, rannsakanda hjá Socialforskningsinstituttet í Danmörku og Anni G. Haugen, félagsráðgjafa hjá Barnaverndarstofu

Nánari upplýsingar um rannsóknina má finna á heimasíðu NOVA: www.nova.no þar sem einnig er hægt að panta hana.

Íslenski hluti rannsóknarinnar kom út sl. sumar og má finna á heimasíðu Barnaverndarstofu: www.bvs.is. Einnig er hægt að nálgast hana hjá bóksölu stúdenta.

Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica