Nýr formaður kærunefndar barnaverndarmála

24 jún. 2004

Ingveldur Einarsdóttir héraðsdómari hefur tekið við sem formaður kærunefndar barnaverndarmála af Ragnheiði Thorlacius. Kærunefndin er sem kunnugt er staðsett í félagsmálaráðuneytinu og starfsmaður nefndarinnar er Guðrún Erna Hreiðarsdóttir lögfræðingur. Til kærunefndar barnaverndarmála er unnt að skjóta ákvörðunum barnaverndarnefnda sem ekki verður skotið til dómstóla svo og tilteknum ákvörðunum Barnaverndarstofu. Nánari leiðbeiningar um kærunefndina er að finna á heimasíðu félagsmálaráðuneytisins.