Drög að nýjum reglugerðum

24 jún. 2004

Barnaverndarstofa hefur nýverið sent til félagsmálaráðuneytisins drög að nýrri reglugerð á grundvelli barnaverndarlaga nr. 80/2002. Hér er um að ræða drög að reglugerð um úrræði á ábyrgð sveitarfélaga skv. ákvæðum barnaverndarlaga. Í þessari reglugerð verða mótaðar almennar reglur um uppbyggingu úrræða sem barnaverndarnefndum ber að hafa til staðar, svo sem almenn stuðningsúrræði, sumardvöl, tilsjónarmenn og persónulega ráðgjafa, stuðningsfjölskyldur og heimili og önnur úrræði sem barnaverndarnefndir skulu hafa tiltæk. Barnaverndarstofa gerir ráð fyrir að senda félagsmálaráðuneytinu fljótlega drög að reglugerð um fóstur.