Fyrsta Foster-Pride námskeiðinu lokið
Þann 27. apríl sl. lauk fyrsta Foster-Pride námskeiðinu á Íslandi. Námskeiðið var haldið að Félagsheimilinu Þingborg í Hraungerðishreppi og voru þátttakendur af Suðurlandi. Leiðbeinendur voru Soffía Ellertsdóttir og Hildur Sveinsdóttir. 24 byrjuðu á námskeiðinu en 21 luku því. Þótti námskeiðið takast með ágætum og lofar þessi frumraun góðu fyrir framhaldið. Athugasemdir þátttakenda um námskeiðið voru mjög jákvæðar og hér eru nokkur dæmi:“Mjög gott námskeið fyrir alla sem koma að fósturmálum. Námskeiðið var hæfilega langt og skemmtilegt”.
“Námskeiðið var mjög gott. Nauðsynlegt fyrir alla fósturforeldra að fara á svona námskeið”.
“Námskeiðið skilaði meiru en ég bjóst við”
“Mjög fróðlegt og gott. Það ættu allir sem vinna við fósturmál að fara í gegnum þetta námskeið til þess að stuðla að því að allir vinni saman á sömu forsendum”.
Næsta námskeið er áætlað í haust og verður líklega haldið í Reykjavík.
