Götubörn og munaðarlaus börn í Austur- Evrópu, erindi og sýning heimildarmyndar

14 júl. 2003

Breytingar á samfélagsgerð ríkja í Austur-Evrópu hafa verið stórstígar sl. áratug í kjölfar skipbrots Sovétríkjanna. Jákvæð áhrif þeirra eru óumdeilanleg en þær hafa ekki gerst sársaukalaust. Sjónir alþjóðasamfélagsins hafa undanfarið beinst að þeim þjóðfélagshóp sem einkum hefur orðið illa úti, en það eru þau börn sem við lökustu lífskjörin búa. Dr. Tatiana Balachova gegnir rannsóknarstöðu í klínískri sálfræði við háskólann í Oklahoma og er einn helsti sérfræðingur heims í aðstæðum barna í A-Evrópu. Hún er frá St. Pétursborg og lauk doktorsnámi við ríkisháskólann í Leningrad. Hún er þekktur fyrirlesari jafnt vestan hafs sem og á meginlandi Evrópu. Eftir hana liggja tugi fræðigreina og bóka um barnavernd og velferðarmál barna.

Dr. Balashova heldur fyrirlestur á vegum Barnaverndarstofu á Grand Hótel föstudaginn 22. ágúst kl. 13:00 um götubörn og munaðarlaus börn í A-Evrópu. Þar mun hún fjalla um þær hrikalegu aðstæður sem eru hlutskipti milljóna barna í þessum heimshluta. Jafnframt mun verða sýnd heimildarmyndin "Children Underground" , átakanleg verðlaunamynd sem hefur vakið gríðalega athygli og lýsir lífsbaráttu og daglegu lífi heimilislausra barna.

Nauðsynlegt er að skrá þátttöku á Barnaverndastofu sem fyrst en þátttaka er takmörkuð við 60 manns. Aðgangur er ókeypis.

Lýsing á efni myndarinnar

Yfirlýsing frá framleiðanda/leikstjóra

Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica