Barnahús fær alþjóðlega viðurkenningu
Samtök Barnaheilla - Save the Children - í tíu Evrópuríkjum hafa gefið út viðamikla skýrslu um börn og réttarkerfið að því er lýtur að kynferðisbrotum á börnum. Skýrslan er árangur samstarfsverkefnis sem fólst í samanburðarrannsókn á fyrirkomulagi þessara mála í viðkomandi ríkjum, en gerðar voru sérstakar landsskýrslur sem lokaskýrslan byggir á. Það hlýtur að vera Íslendingum gleðiefni að Barnahúsið fær sérstaka umfjöllun í skýrslunni sem fyrirmyndarstofnun ("best practice") í meðferð kynferðisofbeldis á börnum. Af því tilefni var Braga Guðbrandssyni, forstjóra Barnaverndarstofu, boðið að halda erindi á sérfræðingafundi þar sem fjallað var um skýrsluna í Kaupmannahöfn dagana 22.-23. október sl. Jafnframt flutti Bragi erindi um Barnahúsið á fjölmennri ráðstefnu sem haldin var í húsakynnum danska þingsins hinn 24. október á vegum Red barnet í Danmörku.Hér gefst kostur á að sjá umrætt erindi. Fyrirlestur um Barnahús
