• Hjólabrettastelpa

Sífellt fleiri börn sem þurfa á þjónustu Barnahúss

Barnaverndarstofa hefur tekið saman helstu tölur varðandi úrræði á þeirra vegum fyrir fyrstu níu mánuði ársins.

13 okt. 2021

Umsóknir til Barnaverndarstofu svipað margar og í fyrra

Umsóknir um meðferðarúrræði á vegum Barnaverndarstofu voru jafn margar á fyrstu níu mánuðum ársins 2021 miðað við sama tímabil árið á undan. Líkt og fyrri ár bárust flestar umsóknir vegna MST, eða 83 umsóknir sem er svipaður fjöldi umsókna og bárust á sama tímabili árin 2018 og 2020.

Fjöldi umsókna vegna Stuðla voru 25 á fyrstu níu mánuðum ársins 2021 en þær voru 21-29 á sama tímabili áranna 2018-2020. Flestar umsóknir um meðferð bárust frá landsbyggðinni eða 38,5% og fleiri umsóknir um meðferð bárust vegna drengja en stúlkna, líkt og fyrri ár.

Beiðnir til Barnaverndarstofu um fósturheimili voru færri á fyrstu níu mánuðum ársins 2021 en á sama tímabili árin 2019 og 2020, en fleiri en bárust á fyrstu níu mánuðum ársins 2018.

Líkt og fyrri ár voru flestar beiðnir vegna tímabundins fósturs, en slíkar beiðnir voru þó nokkuð færri en á sama tímabili áranna á undan. Fleiri beiðnir bárust vegna drengja en stúlkna fyrstu níu mánuði ársins 2021, og er það í takt við fyrri ár.

Umsóknum um leyfi til að gerast fósturforeldrar voru í takt við fjölda umsókna síðustu tveggja ára en á fyrstu níu mánuðum ársins bárust 36 umsóknir, en þær voru 27 og 28 á sama tímabili árin 2019 og 2020.

Skýrslutökur vegna kynferðisofbeldis 15,6% fleiri en allt árið 2020

Rannsóknarviðtöl í Barnahúsi skiptast í skýrslutökur fyrir dómi annars vegar og könnunarviðtöl fyrir barnaverndarnefndir hins vegar. Rannsóknarviðtölum fjölgaði úr 228 á fyrstu níu mánuðum ársins 2020 í 323 fyrir sama tímabil á árinu 2021.

Skýrslutökur fyrir dómi voru 213 á fyrstu níu mánuðum ársins 2021, sem er 43% fleiri skýrslutökur en á sama tímabili árið 2020. Sú fjölgun sem má sjá á fyrstu níu mánuðum ársins 2021, miðað við sama tímabil áranna á undan, má helst rekja til fjölgunar skýrslutaka vegna kynferðislegs ofbeldis.

Á tímabilinu janúar til september 2021 voru skýrslutökur vegna kynferðislegs ofbeldis tvöfalt fleiri en á sama tímabili árið 2020. Raunar er staðan sú að fjöldi skýrslutaka vegna kynferðislegs ofbeldis á fyrstu níu mánuðum ársins 2021 eru 56,4% fleiri en allt árið 2018, 26,7% fleiri en allt árið 2019 og 15,6% fleiri en allt árið 2020.

Skýrslutökur vegna líkamlegs og heimilisofbeldis voru svipað margar á fyrstu níu mánuðum ársins 2021 samanborið við sama tímabil 2020. Þá ber að nefna að mikil aukning var á fjölda skýrslutaka vegna líkamlegs- og heimilisofbeldis á fyrstu níu mánuðum ársins 2020, samanborið við sama tímabil áranna á undan, eða 138-181% aukning á milli tímabila. Því er ljóst að þó svo að fjöldi skýrslutaka vegna líkamlegs- og heimilisofbeldis á tímabilinu janúar til september 2021 svipi til sama tímabils ársins 2020, er fjöldi skýrslutaka langt umfram það sem áður var.

Könnunarviðtöl fyrir barnaverndarnefndir voru 110 á fyrstu níu mánuðum ársins 2021. Eru það fleiri könnunarviðtöl en síðustu ár, en á sama tímabili áranna 2018-2020 voru könnunarviðtöl 75-82. Stúlkur voru í meirihluta þeirra barna sem komu í rannsóknarviðtöl fyrstu níu mánuði ársins 2021, líkt og fyrri ár.

Vistunardagar svipað margir á Stuðlum og í fyrra

Vistunum á lokaðri deild á Stuðlum fækkaði úr 124 í 115 á fyrstu níu mánuðum ársins 2021 miðað við sama tímabil árið á undan. Vistunardagar á fyrstu níu mánuðum ársins 2021 voru svipað margir og á sama tímabili 2020 en þó heldur færri en fyrstu níu mánuði áranna 2018 og 2019. Alls komu 57 börn á lokaða deild á fyrstu níu mánuðum ársins 2021, en þau voru 58 á sama tímabili árið 2020. 

 

Hér má nálgast skýrsluna í heild sinni.


Nýjustu fréttir

15. maí 2024 : Stöðuskýrsla til ráðherra á þriðja ári innleiðingar

Frá því að lögin um samþættingu þjónustu í þágu farsældar barna voru samþykkt hefur markvisst verið unnið að innleiðingu þeirra á vegum ríkis og sveitarfélaga um allt land.

Lesa meira
Utlit-a-namskeid-_agust.001-16

26. mar. 2024 : Samanburður á fjölda tilkynninga til barnaverndarþjónusta á árunum 2021 - 2023

Barna- og fjölskyldustofa hefur tekið saman fjölda tilkynninga sem bárust barnaverndarþjónustum árið 2023. Tilkynningum fjölgaði um 11,3% á árinu miðað við 2022 en fjöldi tilkynninga á árinu 2023 voru 15.240.

Lesa meira

21. feb. 2024 : Sexan stuttmyndasamkeppni

Sexan stuttmyndasamkeppni er nýtt fræðsluverkefni Neyðarlínunnar um stafrænt ofbeldi fyrir nemendur í 7.bekkjum grunnskóla landsins og dómnefnd hefur valið sigurvegara ársins 2024. 

Lesa meira
Utlit-a-namskeid-_agust.001-16

16. feb. 2024 : Samantekt um úrræði og fjölda umsókna um þjónustu 2020-2023

Við lok árs 2021 var Barnaverndarstofa lögð niður og ný stofnun, Barna- og fjölskyldustofa, tók við. Í þessari samantekt er að finna upplýsingar um úrræði og fjölda umsókna um þjónustu til Barnaverndarstofu á árunum 2020-2021 og árið 2022-2023, til Barna- og fjölskyldustofu. Þá má finna tölulegar upplýsingar úr Barnahúsi frá sama tímabili, fyrir allt árið 2020-2023.

Lesa meira

Þetta vefsvæði byggir á Eplica