Lokaráðstefna PROMISE verkefnisins um innleiðingu Barnahúsa í Evrópu var haldin í Brussel þann 14. júní sl.
Á ráðstefnunni var kastljósinu beint að barnvinsamlegu og þverfaglegu samstarfi stofnana sem veita börnum sem eru fórnarlömb ofbeldis þjónustu. Meðal ræðumanna voru Věra Jourová, framkvæmdastjóri Evrópusambandsins í málaflokkum tengdum réttarkerfi og jafnréttismálum og Marta Santos Pais sérlegur fulltrúi aðalritara Sameinuðu þjóðanna vegna ofbeldis gegn börnum. Þær lýstu í ræðum sínum yfir stuðningi sínum við innleiðingu Barnahúsa í Evrópu (en. The Barnahus Movement). Bragi Guðbrandsson, helsti sérfræðingur PROMISE verkefnisins, kynnti reynsluna á Íslandi og hvernig sú reynsla hefur verið Evrópu innblástur varðandi innleiðingu Barnahúsa.
Þrenn pallborð sérfræðinga ræddu svo þverfaglega vinnu og samstarf stofnana sem viðbrögð við ofbeldi gegn börnum og hvernig hugmyndafræði Barnahúsanna er umvafin virðingu fyrir réttindum barna.
Í pallborðunum tóku m.a. þátt þrír íslenskir sérfræðingar, þau Bragi Guðbrandsson forstjóri Barnaverndarstofu, Ólöf Ásta Farestveit forstöðumaður Barnahúss og Hjörtur Aðalsteinsson dómstjóri við héraðsdóm Suðurlands. Var góður rómur gerður að máli þeirra og vakti sérstaka athygli ræða dómarans.
Á ráðstefnunni var eftirfarandi efni kynnt sem er hugsað sem stuðningur við innleiðinguna á Barnahúsum.
Evrópskir staðlar fyrir barnahús (en European Barnahus Quality Standards
Promoting Progress on Barnahus in Europe
Enabling Child-Sensitive Justice
PROMISE Compendium of Law and Guidance
Hér má sjá heimasíðu PROMISE verkefnisins þar sem meðal annars er að finna myndir frá ráðstefnunni, dagskrá hennar og útgefið efni.
Hér eru nokkrar myndir frá ráðstefnunni
