Forstjóri Barnaverndarstofu skipaður í sérfræðihóp á vegum Evrópuráðsins
Forstjóri Barnaverndarstofu, Heiða Björg Pálmadóttir, hefur verið skipuð í sérfræðingahóp á vegum Evrópuráðsins varðandi ofbeldi gegn börnum, ásamt sjö öðrum evrópskum sérfræðingum, eftir tilnefningu frá félagsmálaráðuneytinu.
Sérfræðingahópurinn mun starfa næstu tvö árin og heitir á ensku, Working group and responses to violence against children. (CDENF-GT-VAE) og mun starfa undir eftirliti stjórnar barnaréttarnefndar Evrópuráðsins (Steering Committee for the Rights of the Child (CDENF).
Sérfræðihópurinn mun, með aðkomu áheyrnarfulltrúa frá ýmsum hagsmunasamtökum og -aðilum, styðja framkvæmd innleiðingar á forgangi nr. 3 í áætlun Evrópuráðsins vegna réttinda barna (2016-2021). Hópurinn mun einkum leggja sitt af mörkum við þróun á leiðbeinandi aðferðum eða verkfærum sem ætlað er að leiðbeina aðildarríkjum varðandi það hvernig hægt er að byggja upp um kerfi fyrir fagfólk svo það geti tilkynnt um ofbeldi gegn börnum. Einnig er hópnum ætlað að að skoða aðgerðir og íhlutanir sem miða að því að koma í veg fyrir ofbeldi jafningja og kynferðislegt ofbeldi barna.
Hér er hægt að finna frekari umfjöllun um hópinn og verkefnið sem honum er ætlað.
