Annað námskeið vegna fylgdarlausra barna
Námskeið á vegum Barnaverndarstofu 15. desember nk. kl. 14-19
Barnaverndarstofa endurtekur námskeið fyrir þá sem hafa áhuga á að taka fylgdarlaus börn á flótta inn á heimili sín. Námskeiðið fer fram fimmtudaginn 15. desember nk. kl. 14:00 til 19:00 í fundarsal Barnaverndarstofu að Borgartúni 21. Námskeiðið er einkum ætlað þeim sem höfðu samband við Barnaverndarstofu í kjölfar auglýsingar stofunnar.
Þeir sem hafa áhuga á að bætast í hópinn sem hugsanlegir umsækjendur um að taka á móti börnum í slíkum aðstæðum eru einnig velkomnir.
Tilgangur námskeiðs er að undirbúa umsækjendur undir hlutverkið með því að fræða þá um aðstæður og þarfir flóttabarna auk verklags og þjónustu á vegum ríkis og sveitarfélaga. Á námskeiðinu gefst þátttakendum einnig tækifæri til að meta eigin getu og aðstæður til að taka sér hlutverkið. Hér má nálgast dagskrá námskeiðs og hér er umfjöllun um fylgdarlaus börn á flótta og kröfur sem gerðar eru til vistforeldra og fósturforeldra. Nánari upplýsingar veitir starfsfólk Barnaverndarstofu í síma 530-2600 eða tölvupósti bvs@bvs.is
