Ársskýrsla Barnaverndarstofu 2008-2009
Barnaverndarstofa birtir nú uppfærða ársskýrslu áranna 2008-2009 þar sem bætt hefur verið við tölulegum upplýsingum úr ársskýrslum barnaverndarnefnda og vegna starfsemi Barnaverndarstofu fyrir árið 2009 en í fyrri útgáfu voru einungis upplýsingar vegna áranna 2007 og 2008. Skýrsluna má nálgast hér en hana er einnig að finna undir útgefið efni. Um er að ræða netútgáfu en unnið er að ársskýrslu vegna starfsemi Barnaverndarstofu fyrir árið 2010. Munu þær upplýsingar vera felldar inn í skýrslu þessa auk tölulegra upplýsinga úr ársskýrslum barnaverndarnefnda fyrir árið 2010 og hún þá gefin út á prenti.Sískráning tilkynninga til barnaverndarnefnda gerir þó kleift að birta töluleg gögn um tilkynningar í barnaverndarmálum árið 2010 og hefur áður verið birtur samanburður á tilkynningum áranna 2009 og 2010.
Í formála skýrslunnar eru dregin saman helstu atriði í þróun málaflokksins hér á landi á árunum 2008 og 2009 eftir því sem fyrirliggjandi upplýsingar gefa tilefni til. Meðal annars er vikið að vísbendingum um áhrif efnahagshrunsins, þróun eftirspurnar eftir meðferð og starfsemi Barnahúss.
